Life at Sea Cruises-მა მსოფლიოს გარშემო თავისი პირველი კრუიზის დაწყების შესახებ განაცხადა.

გემი მოგზაურობას მიმდინარე წლის ნოემბერში დაიწყებს.

საწყისი წერტილი - სტამბული. მგზავრებს ბარსელონასა და მაიამიშიც აიყვანენ და ამის შემდეგ კრუიზი ოფიციალურად დაიწყება. ვინც მოგზაურობას გადაწყვეტს, ზღვაზე 3 წელიწადს გაატარებს.

გემი, დაახლოებით, 210 ათას კილომეტრს გაივლის. ის მოიცავს 375 პორტს 135 ქვეყანაში. მოგზაურობის გეგმა მოიცავს შვიდივე კონტინენტს. მოგზაურები ხმელეთზე მხოლოდ 288 დღეს გაატარებენ.