ვიეტნამის ჯანდაცვის სამინისტროს ინფორმაციით, ქვეყანაში, 2024 წელს, შობადობის რეკორდულად დაბალი მაჩვენებელი დაფიქსირდა. ჯანდაცვის მინისტრის მოადგილის, ფამ ვუ ჰოანგის განცხადებით, თუ შობადობის დაბალი მაჩვენებელი შენარჩუნდება, ვიეტნამის მოსახლეობა 2054 წლის შემდეგ შემცირდება.

ჯანდაცვის სამინისტრო მოსახლეობის შესახებ კანონპროექტს  ამზადებს, რომელიც ეროვნულ ასამბლეას, სავარაუდოდ, 2025 წელს წარედგინება. კანონპროექტი ითვალისწინებს მესამე შვილის გაჩენაზე დაწესებული ჯარიმების გაუქმებას, ქალების 30 წლამდე დაქორწინებას და 35 წლამდე ორი შვილის გაჩენასთან დაკავშირებით მოტივირებას.

ვიეტნამი, სამხრეთ-აღმოსავლეთ აზიაში, მე-3, ხოლო მსოფლიოში - მე-15 ყველაზე დასახლებული ქვეყანა გახდა, როდესაც [2023 წელს] მისმა მოსახლეობამ 100 მილიონს გადააჭარბა.