სტიქიის ზონიდან გამოსულებს, ვისაც არ გაქვთ თავშესაფარი, ჩვენი ოჯახი მიგიღებთ, რა თქმა უნდა უსასყიდლოდ, - ამ ინფორმაციას რაჭის ჯგუფში დაჯი მეტრეველი ავრცელებს.

„თუ ვინმეს ღამის გასათევი არ გაქვთ შეგიძლიათ მოხვიდეთ, უსასყიდლოდ რა თქმა უნდა“,- წერს ვაკა ბიჭაშვილი.

რაჭაში, სტიქიის ზონაში, სამაშველო ღონისძიება მთელი ღამის განმავლობაში, უწყვეტ რეჟიმში გაგრძელდება.

სამაშველო ღონისძიებაში ჩართულია 400-მდე მეხანძრე-მაშველი და შინაგან საქმეთა სამინისტროს შესაბამისი დანაყოფების წარმომადგენლები.

სტიქიის ზონაში ახალგაზრდა კაცი მეუღლესა და სამ მცირეწლოვან შვილს ეძებს, ერთ ერთი ადგილობრივი ასევე, ნათესავებს. დაკარგულად ითვლება 50-მდე ადამიანი, მათ შორის ბავშვები.

უსაფრთხო ადგილზეა გაყვანილი 152 ადამიანი.

ამ დროის ინფორმაციით, სამწუხაროდ, სტიქიას 2 ადამიანი ემსხვერპლა.