ირანის რევოლუციური გვარდიის „ყუდსის ძალების“ მეთაური ისმაილ ქაანი აცხადებს, რომ თეირანი შურს იძიებს ისმაილ ჰანიეს მკვლელობისთვის.

„ჩვენ ვემზადებით შურისძიებისთვის, იმ მტკივნეული და მძიმე ინციდენტის შემდეგ, რომელიც მოხდა ირანის ისლამურ რესპუბლიკაში. ეს ჩვენი მოვალეობაა“, - მისწერა ირანის რევოლუციური გვარდიის მეთაურმა სინვარს.

მან არ დააკონკრეტა, თუ როგორ იძიებს თეირანი შურს ჰანიეს სიკვდილისთვის.

როგორც წერილშია ნათქვამი, შურისძიება იქნება უფრო მკაცრი, ვიდრე აპრილის შუა რიცხვებში სარაკეტო და უპილოტო შეტევა, რომელიც ირანმა ისრაელის წინააღმდეგ შურისძიების მიზნით განახორციელა.