კერძო სამხედრო ორგანიზაცია „ვაგნერის“ მებრძოლები დონის როსტოვს ტოვებენ. ტელეკომპანია „დოჟდი“ ვიდეოკადრებსაც ავრცელებს, სადაც ჩანს, როგორ ტოვებენ ქალაქს „ვაგნერელები“, ხალხი კი მათ აპლოდისმენტებითა და შეძახილით „ვაგნერი ძალაა“, აცილებს.

როგორც BBC იუწყება, როსტოვ-არენას სტადიონზე განთავსებულ ეკრანზე, შემდეგი ტექსტია განთავსებული – „ჩვენ ერთი ერი ვართ და ერთ გარე მტერს ვებრძვით. გვჯერა რუსი ერის და ჩვენი პრეზიდენტის“.

ასევე BBC-ის ცნობით, მოსკოვში ძალაში რჩება უქმედ გამოცხადებული ორშაბათი დღე, რომელიც უსაფრთხოების ზომებიდან გამომდინარე ქალაქის მერმა კონტრტერორისტული რეჟიმის ამოქმედების გამო დააწესა.