„სახელმწიფო უნდა იყოს უფრო ჰუმანური პატიმრების მიმართ, უფრო მეტად უნდა იყოს გამოყენებული სამაჯური“, - ამის შესახებ სახალხო დამცველმა ლევან იოსელიანმა „ტვ პირველის“ ეთერში სტუმრობისას განაცხადა.

ჟურნალისტის კითხვაზე, გულისხმობს თუ არა ომბუდსმენი პატიმრებში მესამე პრეზიდენტსაც? ლევან იოსელიანმა უპასუხა:

„სახალხო დამცველი თავისი მანდატიდან გამომდინარე ვერ იქნება ჰუმანური მიდგომის მოწინააღმდეგე, ვის მიმართაც არ უნდა იყოს ეს. სააკაშვილი იქნება თუ ნებისმიერი სხვა პატიმარი და სადაც მე ვხვდები, ვისაც ვხვდები, ყველასთან იმასთან ვსაუბრობ, რომ სახელმწიფო უნდა იყოს უფრო ჰუმანური პატიმრების მიმართ. უფრო მეტად უნდა იყოს გამოყენებული სამაჯური, უფრო მეტად უნდა იყოს გამოყენებული ვადამდელი გათავისუფლების მექანიზმი“, - აცხადებს ლევან იოსელიანი.