„ნაციონალური მოძრაობის“ ლიდერები პარტიის ოფისში იკრიბებიან. როგორც ჟურნალისტებს პარტიის ახალმა თავმჯდომარე, ლევან ხაბეიშვილმა განუცხადა, შეკრებაზე სამომავლო გეგმებთან დაკავშირებით გადაწყვეტილებას მიიღებენ.

"პარტიის ოფისში ველოდები ყველას, ვინც მიხეილ სააკაშვილის მხარდამჭერია. სწორედ იქ მივიღებთ სამომავლო გეგმებთან დაკავშირებით გადაწყვეტილებას", - აღნიშნა ხაბეიშვილმა.

ცნობისთვის, თბილისის საქალაქო სასამართლომ საქართველოს ყოფილი პრეზიდენტი მიხეილ სააკაშვილი სასჯელისგან არ გაათავისუფლა და არც გადაუვადა.

აღნიშნული გადაწყვეტილება მოსამართლე გიორგი არევაძემ გამოაცხადა. აღნიშნულით არევაძემ სააკაშვილის ადვოკატების შუამდგომლობა არ დააკმაყოფილა.