სამხრეთ ინდოეთის შტატ კერალას სასამართლომ „ინდოეთის სახალხო პარტიის“ (BJP) ლიდერის რანჯით სრინივასანის მკვლელობისთვის 15 მამაკაცს სიკვდილი მიუსაჯა.

რანჯით სრინივასანი, ალაპუჟაში, საკუთარ სახლში, დედის, ცოლისა და ქალიშვილის თვალწინ, 2021 წლის 19 დეკემბერს მოკლეს. პოლიციის განცხადებით, 15 მსჯავრდებულს კავშირი აქვს მუსლიმურ დაჯგუფება ,,ინდოეთის სახალხო ფრონტთან“ (PFI), რომელსაც, 2022 წელს, მთავრობამ ტერორისტულ დაჯგუფებებთან სავარაუდო კავშირების გამო საქმიანობა აუკრძალა. 
კერალას სასამართლომ მსჯავრდებულები 20 იანვარს გაასამართლა. 

სრინივასანის მკვლელობა ინდოეთის სოციალ-დემოკრატიული პარტიის (SDPI) ლიდერის, კ.ს. შანის მკვლელობიდან რამდენიმე საათის შემდეგ მოხდა. გამოძიების ანგარიშში ნათქვამია, რომ შანი ასევე შურისძიების მიზნით მოკლეს ერთ-ერთი ინდუისტ-ნაციონალისტი აქტივისტის მკვლელობის შემდეგ.