ისრაელის თავდაცვის ძალების ცნობით, „ჰამასის“ საჰაერო ძალების მეთაური - ისამ აბუ რუკბეჰი მოკლეს, - ინფორმაციას The Times of Israel-ის კორესპონდენტი ისრაელის თავდაცვის ძალებსა და კონტრდაზვერვის სამსახურზე (იგივე "შაბაკი") დაყრდნობით ავრცელებს.

უწყებების ცნობით, ისამ აბუ რუკბეჰი პასუხისმგებელი იყო „ჰამასის“ უპილოტო საფრენი აპარატების, პარაპლანისტებისა და საჰაერო თავდაცვის მართვაზე. ისრაელის თავდაცვის ძალებში აცხადებენ, რომ მან დიდი როლი ითამაშა „ჰამასის“ მიერ 7 ოქტომბრის თავდასხმის დაგეგმვასა და განხორციელებაში.