ოპოზიციონერმა დეპუტატმა გუბაზ სანიკიძემ პარლამენტში ინტერპელაციის წესით მისულ ირაკლი ღარიბაშვილს მიმართა და აღნიშნა, რომ პრემიერ-მინისტრი ცეცხლს ეთამაშება.

„ბატონო ირაკლი, ცეცხლს ეთამაშებით თქვენი განცხადებებით, ამბობთ, რომ სააკაშვილი, უკრაინა და დასავლეთი გეგმავდა აქ ხელისუფლების გადატრიალებას. ომი რომ დამთავრდება, უკრაინელებმა რომ მოითხოვონ ამის დამადასტურებელი საბუთი, მერე რას შვებით? სახელმწიფო გადატრიალებაზე საქმე საერთოდ აღძრულია? ასეთ განცხადებებს რომ აკეთებთ პირად მომავალზე ფიქრობთ საერთოდ? ღამე რა გესიზმრებათ თქვენ და ბიძინა ივანიშვილს, ჩვენ არ გვაინტერესებს“, - განაცხადა სანიკიძემ.