პიარსპეციალისტი, ლალი მოროშკინა სოციალური ქსელით პრეზიდენტ სალომე ზურაბიშვილის იმპიჩმენტის საკითხს გამოეხმაურა.

მოროშკინა „ოცნების“ თავმჯდომარის, ირაკლი კობახიძის, დღევანდელი გამოსვლის ტექსტის ბმულს აზიარებს და წერს: „ალილუია!“

"ქართული ოცნება" საქართველოს პრეზიდენტის იმპიჩმენტის პროცედურას იწყებს - ამის შესახებ მმართველი პარტიის ლიდერმა ირაკლი კობახიძემ, დღეს, პოლიტსაბჭოს სხდომის დასრულების შემდეგ განაცხადა.

“პარტიის პოლიტიკური საბჭოს სხდომაზე მივიღეთ გადაწყვეტილება, საქართველოს პრეზიდენტის მიმართ აღიძრას იმპიჩმენტის პროცედურა”, – ამის შესახებ ირაკლი კობახიძემ განაცხადა.

როგორც მან აღნიშნა, „ეს არის ჩვენი პასუხისმგებლობა საქართველოს კონსტიტუციის წინაშე“.