პრეზიდენტი თუ გულისხმობს იმას, რომ ქართველი ერი და ხელისუფლება მარცხისადმი არის მიდრეკილი, ასე ნამდვილად არ გახლავთ, – ამის შესახებ საპარლამენტო უმრავლესობის წევრმა, ბექა ოდიშარიამ განაცხადა.

ოდიშარია გამოეხმაურა სალომე ზურაბიშვილის განცხადებას, სადაც საქართველოს პრეზიდენტი ამბობს: „ჩვენი დეფეტიზმი უნისონშია მხოლოდ და მხოლოდ რუსეთის ნარატივთან, ეხმიანება მხოლოდ რუსეთის პროპაგანდას. ამის არც ახსნა შემიძლია, არც გაგება და არც გაზიარება“.

ბექა ოდიშარიას განცხადებით, ყველა ნარატივი მხოლოდ ეროვნულ ინტერესებზეა ორიენტირებული.

„ყველა ნარატივი არის მხოლოდ ეროვნული ნარატივი და ორიენტირებული მშვიდობისმყოფელ პოლიტიკასა და ჩვენს ეროვნულ ინტერესებზე“, – განაცხადა ბექა ოდიშარიამ.