2023 წელს საქართველოში რეგისტრირებული რუსული კომპანიების 99%-ის საქმიანობის სფერო უცნობია - ამაზე მიუთითებს სტატისტიკის ეროვნული სამსახურის მიერ „ბიზნესპრესნიუსისთვის“ მოწოდებლი მონაცემები.

კერძოდ, 2023 წლის იანვარ-აგვისრტოში საქართველოში რუსეთის მოქალაქეების მონაწილეობით, 9 364 კომპანიაა რეგისტრირებული, მათგან 9 278 კომპანიას საქმიანობის სფერო მითითებული არ აქვს.

რაც შეეხება სფეროებს, რომლებშიც ის კომპანიები საქმიანობენ, რომელთა შესახებაც ინფორმაცია ცნობილია, ასე გამოიყურება:

• ინფორმაცია და კომუნიკაცია - 58 სუბიექტი
• პროფესიული, სამეცნიერო და ტექნიკური საქმიანობები - 13 სუბიექტი
• საბითუმო და საცალო ვაჭრობა; ავტომობილების და მოტოციკლების რემონტი - 5 სუბიექტი
• განთავსების საშუალებებით უზრუნველყოფის და საკვების მიწოდების საქმიანობები - 3 სუბიექტი
• ადმინისტრაციული და დამხმარე მომსახურების საქმიანობები - 2 სუბიექტი
• ხელოვნება, გართობა და დასვენება - 1 სუბიექტი
• უძრავ ქონებასთან დაკავშირებული საქმიანობები - 1 სუბიექტი
• ტრანსპორტი და დასაწყობება - 1 სუბიექტი
• სხვა სახის მომსახურება - 1 სუბიეტი

ამასთან, საქსტატის ინფორმაციით, 2022 წელს რუსული მხარის მონაწილეობით საქართველოში 15 166 კომპანია დარეგისტრირდა, საიდანაც 12 713 კომპანიის საქმიანობის სფერო უცნობია.