ევრო 2024-ზე მერვედფინალური ეტაპი გრძელდება. დიუსელდორფში საფრანგეთის ეროვნულმა ნაკრებმა ბელგია 1:0 დაამარცხა და მეოთხედფინალის საგზური მოიპოვა.

შეხვედრის პირველი ტაიმი დაბალ ტემპში მიმდინარეობდა და ვერცერთმა გუნდმა მნიშვნელოვანი უპირატესობის მოპოვება ვერ მოახერხა. მეორე ნახევარში გუნდები უფრო გააქტიურდნენ და რამდენიმე მომენტიც შეიქმნა.

85′ წუთი. ბელგიის ნაკრების საჯარიმოში არეულობა შეიქმნა. საბოლოოდ, საფრანგეთის ნაკრების თავდამსხმელმა, რანდალ კოლო მუანიმ დაარტყა, რის შემდეგაც ბურთი საკუთარ კარში იან ვერტონგენმა გაიტანა.

საფრანგეთის ნაკრები ევრო 2024-ის მეოთხედფინალურ შეხვედრას ჰამბურგში 5 ივლისს ჩაატარებს, დეშამის გუნდის მეტოქე პორტუგალიასა და სლოვენიას შორის გამარჯვებული იქნება.