თბილისში, სავარაუდოდ, ცხინვალის ქუჩაზე (სოციალურ ქსელში აღნიშნული ქუჩაა მითითებული) ახალგაზრდა მამაკაცს ხელკეტებით შეიარაღებული პირები თავს დაესხნენ. 

ამის შესახებ ვიდეო კადრები სოციალურ ქსელში ვრცელდება. 

კადრებში ჩანს, რომ ახალგაზრდა მამაკაცი შავი ავტომანქანიდან გადმოდის, რა დროსაც, მასთან ჩერდება ვერცხლისფერი ავტომანქანა, გადმოდის ხელკეტით შეიარაღებული პირი და იწყებს შავი ავტომანქანიდან გადმოსული ახალგაზრდის ცემას. შემდეგ მას კიდევ  ორი პირი ურტყავს, რომელთაგან ერთ-ერთი, ასევე ხელკეტითაა შეიარაღებული. 

კიდევ ერთ ვიდეოკადრებში, რომელიც სავარაუდოდ, სათვალთვალო ვიდეოკამერითაა გადაღებული, მითითებულია დრო 15.01.2025, 16:47 საათი.
დამატებითი დეტალები, ასევე ის, თუ რა გახდა დაპირისპირების მიზეზი, უცნობია.