“ცოცხალია? შემზარავი ვიდეოა“ - სოციალურ ქსელში ვრცელდება თბილისის მეტროში გადაღებული კიდევ ერთი ვიდეო, რომელშიც ჩანს, რომ ახალგაზრდა მამაკაცი მეტროს ბოლო ვაგონს გარედან ეჭიდება, ხოლო მატარებელი ადგილიდან იძვრება და გადაადგილებას განაგრძობს.

ვიდეო, სავარაუდოდ, ხუმრობით არის გადაღებული, თუმცა სოციალურ ქსელში დიდი გამოხმაურება მოჰყვა.

მომხმარებლები გმობენ მსგავს ქმედებას და “გმირს” აკრიტიკებენ:

“ხუმრობაა თუ ვერ იაზრებს მოსალოდნელ საფრთხეს?”; “შემზარავი ვიდეოა, როგორ დებთ ასეთ კადრს. გააკონტროლეთ... ეს უნდა იყოს დასჯადი, ვინც იღებს და ის, ვინც ასე დგას..."; "ცოცხალია?“ - წერენ ვიდეოს კომენტარებში ფეისბუკის მომხმარებლები.

უცნობია, რატომ გადაწყვიტა ახალგაზრდა მამაკაცმა ეს ქმედება, თუმცა, აშკარად, საზოგადოებისგან კრიტიკა დაიმსახურა.

ვიდეო: ფეისბუკვერდი - “ჩემი ქალაქი მკლავს”