რუსი ოკუპანტების მიერ ნასროლი რაკეტა დონეცკის ოლქის ქალაქ კრამატორსკში სამსართულიან საცხოვრებელ კორპუსს მოხვდა. ამის შესახებ გამოცემა Unian ადგილობრივებზე დაყრდნობით წერს. მედიის ცნობით, არის მსხვერპლი.

როგორც სამხედრო კორესპონდენტი ანდრეი ცაპლიენკო შემთხვევის ადგილიდან იუწყება, ადამიანები შენობის ნანგრევებში არიან მოყოლილი.

„ნანგრევებიდან ადამიანების ხმა ისმის“, - ამბობს ჟურნალისტი.

დაშავებულების გადარჩენას მაშველები ცდილობენ.

შემთხვევის ადგილიდან პირველი კადრები ვრცელდება, რომელშიც დაზიანებული საცხოვრებელი კორპუსი ჩანს.

https://1plus1.video/unian-novosti/2023-rik/berezen-2023-rosijska-raketa-vluchila-v-zhitlovij-budinok-u-kramatorsku