რუსეთის პრეზიდენტის პრესმდივანი დმიტრი პესკოვი ევროკავშირში უკრაინისა და მოლდოვის გაწევრიანების მოლაპარაკებების გახსნასთან დაკავშირებით ევროპული საბჭოს გადაწყვეტილებას ეხმაურება. მისი შეფასებით, ეს ქვეყნები ვერ აკმაყოფილებენ ევროკავშირის წევრობის კრიტერიუმებს.

„ევროკავშირში ყოველთვის საკმარისად მკაცრი კრიტერიუმები ჰქონდა გაწევრიანებისთვის. ამ მომენტისთვის აშკარაა, რომ არც უკრაინა და არც მოლდოვა ამ კრიტერიუმებს არ აკმაყოფილებენ“, - განუცხადა ჟურნალისტებს პესკოვმა.

შეგახსენებთ, 14 დეკემბერს ცნობილი გახდა ევროსაბჭოს გადაწყვეტილება, რომლის მიხედვითაც, საქართველოს ევროკავშირის კანდიდატის სტატუსი მიენიჭა, უკრაინასა და მოლდოვასთან კი მოლაპარაკებები გაიხსნება გაწევრიანების შესახებ.