წულუკიანმა ოპოზიციის წარმომადგენლებს მიმართა:

„არის ერთი კატეგორია, ვინც დღეს ყვირის, რომლებიც დღეს „ფეიკ“ სამყაროში გვაცხოვრებენ და ყვირიან მუზეუმს ანგრევენო. ისინი, ვინც თავად ანგრევდა მუზეუმს ან მუზეუმი რომ ინგრეოდა, ხმას არ იღებდა, ან ყვირიან, რომ ჩვენ თურმე ვიღაცას ვაწამებთ, ვინც მართლა მწამებელი და გამაუპატიურებელი იყო, მკვლელი და ა.შ. ერთ-ერთი ახლა გალიიდან გველაპარაკება. ეს სიძულვილის ენაა ალბათ, მაგრამ ვერ ვხედავ ამაში ვერავითარ პრობლემას. თქვენი გალიაში მჯდომი ბელადი, რომელსაც ბრიუსელში იცავდით, კაცის მკვლელი იყო და ახლა ცოლის დაპატიმრებას ითხოვს“, - განაცხადა თეა წულუკიანმა.