“დონეცკის ოლქის ბახმუტის ირგვლივ ძალიან ინტენსიური ბრძოლები მიმდინარეობს და ამ რაიონში ოპერატიული ვითარება ძალიან ცვალებადი და სწრაფია”, - ამის შესახებ პენტაგონის წარმომადგენელმა, გენერალმა პატრიკ რაიდერმა განაცხადა.

„ბახმუტის მიდამოებში ინტენსიური ბრძოლა გრძელდება. რუსული ჯარები და „ვაგნერის“ მებრძოლები აგრძელებენ თავდასხმას რაიონზე, ხოლო უკრაინული ძალები იცავენ თავდაცვის ხაზს“, - აღნიშნა აშშ-ის თავდაცვის დეპარტამენტის წარმომადგენელმა.

მან აღნიშნა, რომ ბახმუტის რაიონში ვითარება ძალიან არასტაბილურია და აშშ ყურადღებით აკვირდება მას.

მისი თქმით, ვაშინგტონი მჭიდრო კონტაქტებს ინარჩუნებს უკრაინულ მხარესთან, რათა შეიარაღებული ძალები უზრუნველყოს ყველა საჭირო იარაღით.