„როიტერის“ ინფორმაციით, კომპანია ასევე დაუშვებს დროებით ისეთ პოსტებს, რომელიც გამოხატავს რუსეთის და ბელარუსის პრეზიდენტების სიკვდილის მოწოდებებს.

„უკრაინაში რუსეთის შეჭრის ფონზე, ჩვენ დროებით დავუშვით პოლიტიკური გამოხატვის ისეთი ფორმები, რომლებიც ჩვეულებრივ არღვევს ჩვენს წესებს, მაგალითად, ძალადობის ენის შემცველი ფრაზები როგორიცაა -„სიკვდილი რუს დამპყრობლებს“, თუმცა ჩვენ არ ვუშვებთ ძალადობრივ მოწოდებებს რუსი მშვიდობიანი მოქალაქეების მიმართ“, – ნათქვამია კომპანიის განცხადებაში.

კომპანიის პოლიტიკის დროებით ცვლილება ეხება სომხეთს, აზერბაიჯანს, ესტონეთს, საქართველოს, უნგრეთს, ლატვიას, ლიეტუვას, პოლონეთის, რუმინეთს, რუსეთს, სლოვაკეთსა და უკრაინას.