ამერიკულმა ჟურნალმა Forbes-მა მადრიდის „რეალი“ მსოფლიოში ყველაზე ძვირადღირებულ კლუბად დაასახელა. ავტორიტეტული გამოცემის მონაცემებით, ესპანეთის ჩემპიონის ღირებულება 6.6 მილიარდ ევროს შეადგენს.

„რეალი“ ზედიზედ მესამედ აღიარეს მსოფლიოს ყველაზე ძვირადღირებულ საფეხბურთო კლუბად. მისი ღირებულება წინა წელთან შედარებით ცხრა პროცენტით გაიზარდა.

გარდა ამისა, „რეალი“ არის კლუბი ყველაზე დიდი ფინანსური მოგებით (873 მილოინი) და სპონსორებისგან წელიწადში 205 მილიონ ევროს გამოიმუშავებს, რაც სარეკორდი თანხაა მსოფლიო ფეხბურთისთვის.

Forbes-ის სიაში მეორე ადგილზეა „მანჩესტერ იუნაიტედი“ (6.55 მილიარდი), მესამეზე – „ბარსელონა“ (5.6 მილიარდი).