საქართველოს დამოუკიდებლობის დღის აღსანიშნავად, ვაშინგტონში, უძველეს ამერიკულ ჯაზ-კლუბში, ცნობილი ქართველი მუსიკოსის გიორგი მიქაძისა და მისი ჯაზ-ტრიოს კონცერტი „ქართულ სიმღერათა კრებული“ გაიმართა.

კონცერტი საქართველოს საელჩოს მხარდაჭერით ჩატარდა. გიორგი მიქაძემ მსმენელს კომპოზიციები ქართული მხატვრული ფილმებიდან, მულტფილმებიდან და მე-20 საუკუნის ცნობილი თეატრალური დადგმებიდან წარუდგინა.

„ქართულ სიმღერათა კრებული“ ცნობილი ქართული მელოდიებისა და თანამედროვე ჯაზის ნამუშევრების გაერთიანებას წარმოადგენს.