გორის მუნიციპალიტეტის სოფელ ფლავის საჯარო სკოლაში 70 წლამდე ასაკის პედაგოგმა 14 წლის მოსწავლეს გაკვეთილის დროს სცემა. ინფორმაციას „ტვ მონიტორინგი“ ავრცელებს. 

მედიასაშუალების მიერ გავრცელებულ კადრებში ჩანს როგორ სცემს პედაგოგი მოსწავლეს გაკვეთილის მიმდინარეობის პროცესში.

ამავე ინფორმაციით, მოსწავლემ მასწავლებელს შეაგინა, რაზეც პედაგოგმა თავი ვერ შეიკავა. 

„მასწავლებელმა ბავშვს შენიშვნა რომ მისცა, ბავშვმა დედა შეაგინა, თვითონ ბავშვიც იძახდა მე ვიყავი მტყუანი და ბოდიშს ვიხდიო“, - ამბობს წყარო. 

ცოტა ხნის წინ გავრცელდა ინფორმაცია, რომ გორში, სოფელ ფლავის საჯარო სკოლიდან გაათავისუფლეს მასწავლებელი, რომელმაც მოსწავლეს სცემა.