ყოფილი დეპუტატი დავით დარჩიაშვილი ყვარელში ლევან ბერძენიშვილისთვის პიკეტის მოწყობას და ლექციის ჩაშლას სოციალური ქსელით ეხმუარება:

„კაი, დავანებოთ დიდ პოლიტიკას თავი. პოლიცია რომ იმას დაუშვებს, რაც ყვარელში მოხდა, პოლიცმაისტერი კი ისევ თავის სკამზე იჯდება, ჩავთვალოთ, რომ სახელმწიფოში კი არა, ლონდრეს ქალაქში ვცხოვრობთ," - წერს დარჩიაშვილი.

როგორც ცნობილია, გუშინ ყვარელში, ევროატლანტიკურ ცენტრთან, სადაც ამერიკული კუთხე ფუნქციონირებს, აქციის მონაწილეებმა ლევან ბერძენიშვილის ლექციის ჩატარების უფლება არ მისცეს. ადგილზე შეკრებილები ამბობდნენ, რომ ერეკლე მეორის შვილიშვილები იყვნენ და ბერძენიშვილი იქ "ფეხს ვერ დაადგამდა".