„ლელოს“ მზად აქვს დეტალური ხედვა, როგორ ვასრულებთ ევროკავშირის 9 რეკომენდაციას, - ამის შესახებ „ლელოს“ წევრმა, დეპუტატმა ანა ნაცვლიშვილმა განაცხადა.

„ჩვენ ამ რეფორმებს განვახორციელებთ ხელისუფლებაში მოსვლიდან 1 წელიწადში, განსხვავებით „ქართული ოცნებისგან“, რომელსაც 12 წელი ჰქონდა იმისთვის, რომ ეს რეფორმები განეხორციელებინა. „ლელოს“ არ აქვს დასაკარგი, ფუჭი დრო იმიტირებულ პროცესებში ჩასართავად“, - აღნიშნა ნაცვლიშვილმა.

ევროკავშირის მიერ განსაზღვრულ ცხრა ნაბიჯთან დაკავშირებით პარლამენტში მორიგი სამუშაო შეხვედრა იმართება, რომელსაც მმართველი გუნდის, ოპოზიციისა და მესამე სექტორის წარმომადგენლები ესწრებიან. სამუშაო შეხვედრაში არ მონაწილეობს „ლელო“, რომელმაც პროცესს ბოიკოტი გამოუცხადა.