ეგვიპტეში, ჰურგადაში ზღვაში ბანაობისას რუსი მამაკაცი ზვიგენმა შეჭამა.

თავდასხმის ამსახველი კადრები ინტერნეტში გავრცელდა.

კადრებში ჩანს, როგორ ითრევს ზვიგენი მამაკაცს წყალში, შეშინებული ხალხი კი სასოწარკვეთილი ყვირის.

ეგვიპტის გარემოს დაცვის სამინისტრომ „ფეისბუქზე“ გაავრცელა ინფორმაცია, რომ ზვიგენმა ახალგაზრდა კაცის სიცოცხლე ეგვიპტის პოპულარულ კურორტ ჰურგადაში იმსხვერპლა.

გარდაცვლილი 23 წლის ვლადიმერ პოპოვია, რომელიც არ იყო ტურისტი და რეალურად, უკვე რამდენიმე თვე იყო გასული, რაც ეგვიპტეში დასახლდა.

ხელისუფლების განცხადებით, მათ ზვიგენი დაიჭირეს და ლაბორატორიაში შესამოწმებლად გადაიყვანეს.