“ნაციონალური მოძრაობის” მმართველობის პერიოდის ერთ-ერთი ყოფილი მაღალჩინოსანი, ანდრო ბარნოვი სასურსათო პროდუქტების ფასების რეგულირებასთან დაკავშირებით პოსტს აქვეყნებს და წერს: 

„ღატაკაანთ ჩუსტის მორიგი სიყალბე: იმპორტიორები ღუპავენ ხალხს, 70% ფასნამატით ყიდიან საქონელსო.

შე პატრონ-უკუღმა-მოკითხულო, მონოპოლიებს რომ არ ქმნიდეთ თქვენ თვითონ, ხომ იარსებებდა კონკურენცია, სხვაც შემოიტანდა, ნაკლები მოგებით გაყიდიდა და საბოლოოდ ფასი თავისით დარეგულირდებოდა?!

მაგრამ არა! ჩუსტი უნდა მოგვევლინოს ახლა რაინდად, რომელიც ბოროტ იმპორტიორებს ებრძვის! ერთი ტაშის ამბავია უბირი მეტაშეებისათვის, თორემ ებრძვის არა ის. ხელსაც ვერავინ ვერავის დაადებს! ზებრები კრიშავენ მაგათ“ - წერს ბარნოვი.