რუსეთის სახელმწიფო ენერგეტიკული კორპორაცია „გაზპრომი“, უკრაინის გავლით, ევროპისთვის ბუნებრივი გაზის მიწოდებას კვლავ აგრძელებს. დღეს „გაზპრომმა“ განაცხადა, რომ ევროპის კონტინენტზე 42,3 მილიონ კუბურ მეტრ ბუნებრივ გაზს აგზავნის. აქვე შევნიშნავთ, რომ გასულ წელს, უკრაინაში რუსული არმიის შეჭრის შემდეგ, ენერგეტიკული გიგანტის მიერ მოპოვებული ბუნებრივი გაზის ექსპორტი ევროპაში მნიშვნელოვნად შემცირდა. ბუნებრივი გაზის მწარმოებლურობა ასევე შეაფერხა სექტემბერში Nord Stream-ის გაზსადენებზე მომხდარმა აფეთქებებმა, რომლის შემსრულებელიც ჯერ-ჯერობით გაურკვეველია.