„კუპატა“ ქუჩის ძაღლი იყო, თუმცა მას ჰყავდა მიმკედლებელი, რომელიც წლებია მასზე ზრუნავდა.

„კუპატას“ მიმკედლებელი ამბობს, რომ „კუპატა“ 18 ოქტომბერს, საღამოს 9 საათზე ცუდად გახდა და გარეთ გასვლა მოინდომა.

„გავიდა სადარბაზოში, წაბარბაცდა, დაწვა, ამოისუნთქა და გარდაიცვალა. გული გამიხეთქა, სიკეთით სავსე რომ იყო, სახლში არ მოკვდა“, – ამბობს მიმკედლებელი  „ბათუმელებთან“.

მისივე თქმით, „კუპატას“ ელენთის სიმსივნე ჰქონდა და ბოლო თვეებია მძიმედ იყო ავად. ძაღლი დაახლოებით 10 წლის იყო.

„კუპატა“ ძირითადად მელიქიშვილის ქუჩაზე, ბათუმის ცენტრალური პარკის წინ სეირნობდა. ბოლო სამი წელია „კუპატასთან“ არაერთი ტურისტი იღებდა ფოტოს, როგორც ბათუმის ყველაზე პოპულარულ ძაღლთან და სოციალური ქსელების ვარსკვლავთან.