რუსული „ეფესბე“ აცხადებს, რომ აშშ და ნატოს სხვა ქვეყნები რუსეთზე მასიური ჰაკერული თავდასხმებისთვის უკრაინას „იყენებს“.

გარდა ამისა, რუსული მხარის განცხადებით, დასავლეთი, მისი ქსელური ინფრასტრუქტურის დახმარებით, „ახალი ტიპის კიბერიარაღს იყენებს“. 

„იდენტიფიცირებული კიბერსაფრთხეების ანალიზის დროს მიღებული იქნა მონაცემები, რომლებიც მიუთითებს უკრაინის ტერიტორიის გამოყენებაზე აშშ-ისა და ნატოს ქვეყნების მიერ რუსეთში სამოქალაქო ობიექტებზე მასიური კიბერთავდასხმების განსახორციელებლად.

შეტევითი კიბეროპერაციებისთვის ამჟამად უკრაინის ქსელური ინფრასტრუქტურა გამოიყენება. ადგილზე დასავლეთის ქვეყნების ქვედანაყოფები მუშაობენ“, - ნათქვამია განცხადებაში.