უკრაინის პრეზიდენტის ოფისის ხელმძღვანელის, ანდრეი ერმაკის განცხადებით, ტყვეთა გაცვლის ფარგლებში ქვეყანაში სამხედრო პირები, მათ შორის, მარიუპოლის და გოსტომელის მცველები დაბრუნდნენ.

„ჩვენ შევძელით ტყვეთა მორიგი მასშტაბური გაცვლა. სახლში დაბრუნდა 100 ადამიანი - სამხედროები, მეზღვაურები, მესაზღვრეები და ეროვნული გვარდიელები. მათ შორის არიან „აზოვსტალის“ და გოსტომელის მცველები. ზოგიერთ მათგანს სერიოზული ჭრილობები აქვს, ზოგს დაავადება. ყველაფერს გავაკეთებთ, რომ ყოველმა მათგანმა აუცილებელი დახმარება მიიღოს", - წერს ერმაკი.