უკრაინაში მებრძოლი ქართველი დათო ქუქჩიშვილი ამბობს, რომ ბახმუტთან დაღუპული 5 ქართველი მეომარი ჯერ ვერ გამოასვენეს. ის დაღუპულების ოჯახებს ბოდიშს უხდის და აღნიშნავს, რომ ყველაფერს გააკეთებენ მათ გამოსასვენებლად.

„არანაირი მიცვალებული არ არის ჯერ გამოტანილი. ბოდიშს ვუხდი ჩვენი ძმების ოჯახებს. ყველაფერს ვცდილობთ ქართველები, ქართველი პარტიზანები. ყველაფერს ვცდილობთ, ხალხო. 2014 წლიდან აქ ვომობთ და ვიცით, აქ რა ხდება. ძალიან მძიმე მდგომარეობაა, შეტევები ხორციელდება ქალაქ ბახმუტზე, მაგრამ ვიგერიებთ. მარტო ჩვენ არ ვართ, აქ ჩვენს გარდა უკრაინული არმია დგას, რომელიც ვაჟკაცურად, ადამიანურად, რაც შეეხებათ ყველაფერს აკეთებენ, რომ ქალაქი არ დაიკარგოს. ქალაქს ჩვენ ვაკონტროლებთ და არ ვაპირებთ დაკარგავს“, - ამბობს დათო ქუქჩიშვილი.