ოლიმპიურმა ჩემპიონმა ლაშა ბექაურმა ბუდაპეშტის მასტერსზე მოპოვებული ოქრო, რაჭაში სტიქიის შედეგად გარდაცვლილებს მიუძღვნა.

„ამ ოქროს მედალს რაჭაში გარდაცვლილი ადამიანების სულებს ვუძღვნი” - განაცხადა ძიუდოისტმა ფინალური მატჩის დასრულების შემდეგ. 

გუშინ უნგრეთის დედაქალაქში ძიუდოში 90 კგ წონით კატეგორიაში ქართული ფინალი შედგა, სადაც ბექაურმა ლუკა მაისურაძეს აჯობა.

ცნობისთვის, ეს შეხვედრა წლევანდელი თბილისის გრანდ სლემისა და მსოფლიო ჩემპიონტის ფინალის გამეორება გახლდათ. თანამემამულეთა შერკინება თბილისში ბექაურის, ხოლო მსოფლიო ჩემპიონატზე მაისურაძის სასარგებლოდ დასრულდა.