„2012 წლის მაისში ყველაზე პოპულარული პოლიტიკოსი ვიყავი, ნოემბერში - არაპოპულარული გავხდი“, - ამის შესახებ საქართველოს შინაგან საქმეთა ყოფილმა მინისტრმა ვანო მერაბიშვილმა უკრაინულ მედიასთან Freedom TV-ისთან ინტერვიუს დროს განაცხადა. 

მისი თქმით, რეიტინგი არაფერს ნიშნავს. 

„პუტინის დღეები დათვლილია, როგორც კი ქართველი ხალხი მიხვდება, რომ პუტინი დასუსტდა, დამიჯერეთ, ყველაფერი შეიცვლება ერთ დღეში. ყველაზე არასტაბილური რამ რეიტინგია, მე 2012 წლის მაისში რეალურად ყველაზე პოპულარული პოლიტიკოსი ვიყავი და ნოემბერში ყველაზე არაპოპულარული გავხდი. ეს ობიექტური შედეგებია, ასე რომ რეიტინგები არაფერს ნიშნავს. ხვალ რომ აღარ იყოს პუტინი, საქართველო სხვანაირი გახდება, ერთ დღეში შეიცვლება“, - აცხადებს  ვანო მერაბიშვილი.