ვფიქრობ, ოპოზიციაში ვისაც ამ მხრივ ჭკუა მოეკითხება, ისინი ხვდებიან კიდეც, რომ საბოლოო ჯამში, თავს სასაცილოდ გაიხდიან კიდევ ერთხელ, ვინაიდან ისინი ამ იდეას ფურცელზეც კი ვერ გადაიტანენ, - ამის შესახებ პარლამენტის თავმჯდომარე, შალვა პაპუაშვილმა გადაცემა „იმედი LIVE“-ში განაცხადა. კითხვა პრემიერ-მინისტრის იმპიჩმენტის შესახებ „ლელოს“ ინიციატივას ეხებოდა.
„მთავარი პრობლემა იმაში კი არ არის, 50 ხმას შეაგროვებენ თუ ვერ შეაგროვებენ, ისეთ აბსურდულ საკითხებზე დგებიან ერთად ოპოზიციაში, რომ აქაც არ არის რთული 50 ხელმოწერის შეგროვება. პრობლემა იმაშია, რომ ისინი ამ იმპიჩმენტის მოთხოვნას ფურცელზე ვერ გადაიტანენ, სამართლებრივად ვერ დაასაბუთებენ. ეს არის იმპულსური მოქმედება, რაც ახასიათებს ოპოზიციას, რაც მათი მთავარი პრობლემაა“, - განაცხადა პაპუაშვილმა.
მთავრობის სტრატეგიული კომუნიკაციების დეპარტამენტმა ტელეკომპანია „პირველის" ეთერში პრემიერ-მინისტრ ირაკლი ღარიბაშვილის აშშ-ში მგზავრობის შესახებ გასულ სიუჟეტთან დაკავშირებით განცხადება გაავრცელა. ოპოზიცია კი პრემიერის იმპიჩმენტზე ალაპარაკდა - ინიციატორი პარტია „ლელოა“.
0
0
