აშშ სავიზო სანქციებს დაუწესებს საქართველოში იმ პირებს, რომლებიც პასუხისმგებელი და თანამონაწილეები არიან საქართველოს დემოკრატიის შეფერხებაზე. სავიზო შეზღუდვები შეეხებათ ამ პირების ოჯახის წევრებსაც. ამის თაობაზე განცხადება აშშ-ის სახელმწიფო მდივანმა ენტონი ბლინკენმა გააკეთა.

სანქცირებულთა სია ჯერ არ გამოქვეყნებულა, თუმცა აშშ-ის გადაწყვეტილებას უკვე არაერთი გამოხმაურება მოჰყვა სოციალურ ქსელში.

“ნუ არ წახვალთ ამერიკაში, დიდი ამბავი… არაუშავს თუ ევროპაშიც არ წახვალთ, ეხლაც ხომ არ დადიხართ ხშირად, რა.. ცუდია ჩვენი ქვეყანა… ამდენი მეზობელი კარგი ქვეყანა… არ გშია, არ გცივა, რამდენიც გინდა იმდენი გაქვს ფული… რასაც გინდა იმას აკეთებ შენს ქვეყანაში, ცუდია..? ალბათ, ასე ატრეინინგებენ ფსიქოლოგები” – წერს მომღერალი სტეფანე მღებრიშვილი.