“ნაციონალური მოძრაობის” წევრები პრემიერ-მინისტრ ირაკლი ღარიბაშვილის საცხოვრებელ სახლთან საპროტესტო აქციას მართავენ.

აქციის მონაწილეები საქალაქო სასამართლოს მიერ გამოტანილ განაჩენს აპროტესტებენ, რომლის თანახმადაც, მოსამართლემ არ დააკმაყოფილა ადვოკატების შუამდგომლობა მესამე პრეზიდენტი მიხეილ სააკაშვილის გათავისუფლების ან სასჯელის გადავადების თაობაზე. აქციაზე იმყოფება პარტიის თავმჯდომარე, ლევან ხაბეიშვილი. მისი განცხადებით, პარტია გადადის საგანგებო რეჟიმზე და საპროტესტო აქციები იქნება პერმანენტული.

პრემიერის სახლთან დიდი რაოდენობით პოლიციაა მობილიზებული. გადაკეტილია სახლამდე მისასვლელი ქუჩებიც.