„ევროპული საქართველოს“ ლიდერის გიგა ბოკერიას განცხადებით, ანტიდასავლური რეჟიმის პირობებში, საქართველოსთვის კანდიდატის სტატუსი არაფრისმომცემი იქნება.

„ვწუხვარ, რომ ოპოზიციონერები, ამ ხელისუფლების ოპონენტები ხშირად ტალღებს მიჰყვებიან, რომ კარგები გამოჩნდნენ, ოღონდ გააზრების გარეშე. ანტიდასავლური რეჟიმის პირობებში, კანდიდატის სტატუსი ქვეყნისთვის არაფრისმომცემია. კანდიდატის სტატუსი არის ინსტრუმენტი წინ მოძრაობისთვის, რასაც შვრება უკრაინა, მოლდოვა. ახლა სურთ, რომ გაწევრიანების მოლაპარაკების პროცესი დაიწყოს. ამ რეჟიმის პირობებში, ვერც ევროკავშირს დავუახლოვდებით და ვერც NATO-ს წევრები გავხდებით. აბსურდია ამ ილუზიის ქონა“, - განაცხადა ბოკერიამ.