27/05/2023
20:35
პოლიტიკა
.PNG)
„ნაციონალური მოძრაობის“ თავმჯდომარე ლევან ხაბეიშვილმა პრეზიდენტის ადმინისტრაციასთან მიმდინარე აქციაზე განაცხადა, რომ ზურაბიშვილს შეუძლია 12 რეკომენდაციიდან ერთ-ერთის შესრულება, თუ გაათავისუფლებს სააკაშვილს და გვარამიას. ამის შესახებ მან ათონელზე მიმდინარე აქციაზე განაცხადა, რომელიც გვარამიას შეწყალების მოთხოვნით გაიმართა.
"დამოუკიდებელი საქართველოს ისტორიაში არავინ გაუსამართლებიათ იმის გამო, რომ მეუღლეს ავტომობილი ათხოვა, ასეთი რამ ბუნებაში არ არსებობს. ეს კარგად უნდა იცოდეს საზოგადოებამ. სალომე ზურაბიშვილს შეუძლია, 12 რეკომენდაციიდან ერთ-ერთი შეასრულოს, მაგალითად, გაათავისუფლოს პრეზიდენტი სააკაშვილი და ნიკა გვარამია. შესაბამისად, დღეს ნიკას თავისუფლებისთვის იმართება აქცია.
მნიშვნელოვანია, რომ სალომეს როდესაც უნდა, რომ წარმოადგინოს საქართველო და იყოს საქართველოს პრეზიდენტი, მაშინ მარტო ლაპარაკით არა, საქმითაც უნდა დაამტკიცოს ეს და ეს ინსტრუმენტი არის მის ხელში, შესაბამისად, უნდა გადადგას კონკრეტული ნაბიჯი, რომელიც ემსახურება ჩვენი სახელმწიფოს ინტერესებს", – ლევან ხაბეიშვილმა.
0
0
