„ჩემი სურვილი იქნება, რომ პრეზიდენტმა ბრიუსელში გამოსვლისას იმ რეალურ მიღწევებზე ილაპარაკოს, რაც საქართველოს აქვს“, - ამის შესახებ უმრავლესობის წევრმა ირაკლი ქადაგიშვილმა განაცხადა.

მისი თქმით, საქართველოს პრეზიდენტმა ევროპარლამენტარებს სიმართლე უნდა უთხრას.

„ჩემი სურვილი იქნება, რომ პრეზიდენტმა ბრიუსელში გამოსვლისას იმ რეალურ მიღწევებზე ილაპარაკოს, რაც საქართველოს აქვს და ქვეყანა ნამდვილად იმსახურებს ევროკავშირის წევრობის კანდიდატის სტატუსს.

მან ევროპარლამენტში ევროპარლამენტარებს სიმართლე უნდა უთხრას, რომ მათ მიერ მიღებული რეზოლუციები სტრასბურგის სასამართლოს მიერ იქნა განულებული. მისი გამოსვლა საქართველოსთვის სასარგებლო თუ იქნება, ამას მხოლოდ მივესალმებით“, - აცხადებს ქადაგიშვილი.