ზუგდიდში დაკავებული მასწავლებელი მანანა მიქავა გაათავისუფლეს. ის პოლიციის სამმართველოსთან ცოტა ხნის წინ ფოიერვერკის გამოყენების შემდეგ დააკავეს. მანანა მიქავას თქმით, პოლიციამ ხელწერილი დააწერინა და ამის შემდეგ გაათავიაუფლეს.

მას ედავებიან ადმინისტრაციულ სამართალდარღვევათა კოდექსის 174-ე პირველი პრიმა მუხლის მეოთხე ნაწილის დარღვევას, რაც პიროტექნიკის გამოყენებას გულისხმობს.

16 იანვარს, საღამოს, მანანა მიქავას დაკავებას წინ უძღოდა სახელმწიფო რწმუნებულის ადმინისტრაციასთან მიმდინარე პროევროპულ საპროტესტო აქციაზე პარტია “დროას” წარმომადგენლის მარიამ სიჭინავას და სამოქალაქო აქტივისტ კერენ ესებუას დაკავება.

ისინი პოლიციის სამმართველოდან წინასწარი დაკავების იზოლატორებში გადაიყვანეს.