უკრაინის კრიზისზე მოლაპარაკებების მიმდინარეობასთან დაკავშირებით, ნატოს ყოფილმა გენერალურმა მდივანმა იენს სტოლტენბერგმა განაცხადა, რომ მოლაპარაკებების დროს ზოგჯერ საუკეთესო ვარიანტის მიღების შესაძლებლობა არ არის. 

,,დიპლომატიაში ყოველთვის ვერ მივიღებთ ზუსტად იმას, რაც გვსურს. პროგრესი ხშირად დამოკიდებულია საერთო ენის პოვნაზე, მაშინაც კი, თუ ეს გულისხმობს არანაკლებ სრულყოფილი შედეგების მიღებას, რათა თავიდან იყოს აცილებული დიდი კონფლიქტი ან ჩიხი. უკრაინა მაქსიმალურად უნდა გავაძლიეროთ ბრძოლის ველზე, რადგან რაც უფრო ძლიერია ის ფრონტზე, მით უფრო ძლიერი იქნება მისი პოზიცია მოლაპარაკების მაგიდასთან. იდეალურ შემთხვევაში, უკრაინამ არ უნდა დათმოს არაფერი, მაგრამ თუ მას მაინც მოუწევს რაღაცის გაღება, ეს უნდა იყოს მაქსიმალურად მცირედი. ყველამ უნდა ვაღიაროთ, რომ ხანდახან მეორე საუკეთესო ვარიანტს უნდა დავეთანხმოთ. სწორედ ამაზეა საუბარი. მაგრამ, თუ ვიტყვი, რომ მეორე ვარიანტი უკეთესია და უკრაინამ თავი უნდა აარიდოს A, B და C პუნქტებს, მათ შორის, მაგალითად, უარი თქვას ნატოზე ან ტერიტორიის გარკვეულ ნაწილზე, ასე უკრაინის პოზიციას ძირს გამოვუთხრი და ამას არასდროს გავაკეთებ“, - თქვა სტოლტენბერგმა.