უკრაინის პრეზიდენტმა, ვოლოდიმირ ზელენსკიმ კონტრშეტევის დაწყება დაადასტურა, ამის შესახებ BBC წერს.

"კონტრშეტევითი და თავდაცვითი მოქმედებები მიმდინარეობს," - განაცხადა მან, თუმცა ზელენსკის არ დაუკონკრეტებია, თუ რა სტადიაზეა ამჟამად აღნიშნული მოქმედებები.

არსებული ინფორმაციით, უკრაინის სამხედრო ძალებმა ტერიტორიები დაიკავეს აღმოსავლეთით, ბახმუტთან ახლოს და სამხრეთით, ზაპოროჟიის მიდებარედ. თუმცა, BBC აღნიშნავს, რომ რეალური სიტუაციის შეფასება, ამ ეტაპზე, რთულია, რადგან ორივე მხარე ურთიერთსაწინააღმდეგო ინფორმაციას ავრცელებს - უკრაინა ამტკიცებს, რომ პროგრესი აქვთ, რუსეთში კი ამბობენ, რომ შეტევებს იგერებენ.