უკრაინის პრეზიდენტის, ვოლოდიმირ ზელენსკის თვითმფრინავი ვაშინგტონთან ახლოს, ავიაბაზაზე დაეშვა, - ამის შესახებ Associated Press-ი იუწყება.

„აშშ-ის ოფიციალურმა წარმომადგენელმა დაადასტურა, რომ აშშ-ის საჰაერო ძალების თვითმფრინავი უკრაინელ ლიდერთან ერთად დაეშვა ერთობლივ ბაზა ენდრიუსში, დედაქალაქის ახლობლად“, - ნათქვამია განცხადებაში.

ვაშინგტონში ვიზიტის დროს ზელენსკი აშშ-ის პრეზიდენტ ჯო ბაიდენს უნდა შეხვდეს და კონგრესს სიტყვით მიმართოს.