უკრაინის პრეზიდენტი ვლადიმირ ზელენსკი 21 სექტემბერს თეთრ სახლს, აშშ-ის პრეზიდენტ ჯო ბაიდენთან შეხვედრისთვის ეწვევა. ამის შესახებ Unian ეროვნული უსაფრთხოების საკითხებში ბაიდენის ადმინისტრაციის მრჩევლის, ჯეიკ სალივანის განცხადებაზე დაყრდნობით იუწყება.

სალივანის თქმით, ზელენსკის შეხვედრა ბაიდენთან უკრაინისთვის „კრიტიკულ მომენტში“ გაიმართება. მაშინ, როცა ფართომასშტაბიანი ომის საწარმოებლად რუსეთი ჩრდილოეთ კორეისგან დახმარების მიღებას ცდილობს.

ცნობისთვის, უკრაინაში სრულმასშტაბიანი ომის დაწყების შემდეგ (2022 წლის თებერვლიდან) ეს იქნება ზელენსკის მეოთხე შეხვედრა ბაიდენთან. პოლიტიკოსები ბოლოს პირადად ივლისში, ვილნიუსში, ნატოს სამიტზე შეხვდნენ.