შოვში ტრაგიკულად დაღუპულ ზაზა მესხს, მის მეუღლესა და უფროს შვილს, თბილისში, დღეს დაკრძალავენ.

„ზაზა მესხის და მისი უფროსი ვაჟის ცხედრები 8 სექტემბერს ვაკის წმ. სამების სახელობის ტაძარში (მისამართი: ი. ჭავჭავაძის გამზირი #37) გადაასვენეს.

პანაშვიდი დაიწყო გუშინ 18:00 სთ-ზე. გამოსვენება კი იქნება დღეს, 9 სექტემბერს, ტაძრიდან 14:00 სთ-ზე.

ჩვენი თხოვნაა, თავი შევიკავოთ ფოტო და ვიდეო გადაღებებისაგან“,- წერს ოჯახის მეგობარი.

ზაზა მესხი, მისი მეუღლე და 2 შვილი შოვში სტიქიას ემსხვერპლნენ.

შოვში მეწყერი 3 აგვისტოს ჩამოწვა.

სტიქიას 31 ადამიანი ემსხვერპლა. ამ დრომდე დაკარგულად ერთი არასრულწლოვანი მიიჩნევა.