"ტაბულას" დამფუძნებელი, თამარ ჩერგოლეიშვილი სოციალურ ქსელში პოსტს აქვეყნებს და წერს:

"სანამ არ გაიზრდება დაკვეთა წესიერებაზე და პოლიტიკურად აქტიური ხალხი, ისეთ მარტივ და უნივერსალურ წესებს არ აღიარებს შეფასების კრიტერიუმად, როგორიცაა:

1. არ მოიტყუო

2. არა ცილი სწამო

3. არ მოიპარო

4. არ იბოზო

5. საკუთარ სიტყვებზე და ქმედებებზე პასუხი აგე - ახსენი!

6. ფასით ხარ ნაყიდი და ნუ გახდები მონა!

….

ანუ იმ წესებს, რასაც ყველა წიგნში - საბავშვოში და დიდურში ვკითხულობთ, სანამ კრიტერიუმად არ დავაწესებთ და პოლიტიკურ სპექტრს ამ წესებით არ განვსჯით, ეს ქვეყანა წინ ვერ წავა.

სანამ “ყველას თავისი სიმართლე აქვს, მე რაზე გავისარჯო მტყუან-მართლის გარჩევით” იქნება ფართო გაგებით პოლიტიკური და ინტელექტუალური ელიტის მოდუს ვივენდი - რუსულ ჭაობში ვეყრებით.

“სიმართლე არ არსებობს და ყველაფერი მოსულა” - სანამ ამ წესით იმოძრავებს თვითგამოცხადებული პროდასავლური ელიტა, რუსულ ჭაობში ვიყიყინებთ." - წერს ჩერგოლეიშვილი.