რუსეთის საგარეო საქმეთა მინისტრი სერგეი ლავროვი მიიჩნევს, რომ საქართველოს ხელმძღვანელობა „3+3“ ფორმატს შეუერთდება. ამის შესახებ მან თეირანში რეგიონული საკონსულტაციო პლატფორმის მინისტრთა შეხვედრის შემდეგ განაცხადა.

„ყველა შეთანხმდა, რომ საქართველოსთვის კარი ღიაა ჩვენს ფორმატში. ჩვენ გვესმის, რატომ იკავებს თავს  საქართველოს ხელმძღვანელობა „ექვსეულში“ გაწევრიანებისგან. ჩვენ ვაფასებთ იმ ფაქტს, რომ თბილისი მომავალში (როგორც გვესმის) ამის შესაძლებლობას იძლევა. ყველა ვითარებაში, საქართველოს დღევანდელი ხელისუფლება ყველა თავის მოქმედებაში გამომდინარეობს ფუნდამენტური ეროვნული ინტერესებიდან, რაც არაერთხელ დაამტკიცა. ეს იძლევა საფუძველს იმის დასაჯერებლად, რომ სრულფასოვანი „3+3“ ფორმატმა შეიძლება იმუშაოს უახლოეს მომავალში“ - დასძინა მან.

მანამდე „3+3“ ფორმატში შეხვედრის მონაწილეებმა დაადასტურეს, რომ „პლატფორმა ღიაა საქართველოს თანაბარი მონაწილეობისთვის“. ამის შესახებ, კერძოდ, ნათქვამია მონაწილეთა დასკვნით განცხადებაში.