ყვარლის ტბისკენ საავტომობილო მოძრაობა აიკრძალა. მიზეზი ძლიერი წვიმა გახდა, რომელმაც მდინარეების ადიდება გამოიწვია და წყალმა ტბისკენ მიმავალ საავტომობილო გზაზე მდებარე ხიდს საყრდენი გამოაცალა.

საავტომობილო გზების დეპარტამენტის გადაწყვეტილებით, ყვარელი-ყვარლის ტბის გზაზე ყველა სახის ტრანსპორტის მოძრაობა შეწყვეტილია.

ამ დროისთვის, საგზაო დეპარტამენტის კონტრაქტორი კომპანია ადგილზე შესაბამისი ტექნიკის მობილიზაციას ახდენს.

მდინარეში წყლის დონის დასტაბილურებისთანავე კომპანია ტრანსპორტის მოძრაობის აღსადგენად, შესაბამის სამუშაოებს ჩაატარებს.